تخطَّ إلى المحتوى

تطبيق تنظيم الزواج وتجهيز البيت

كل تفاصيل بدايتكم الجديدة…بمكان واحد.

الميزانية والعربون والأقساط، تجهيزات العرس، الهدايا والنقوط، وحتى الجمعية. أركان بجمعها كلها بمساحة وحدة إلكم الاثنين، وبتتحدّث عندكم الاثنين بنفس اللحظة.

اكتشف أركانكيف بشتغل؟
شاشة التجهيزات والمهام من تطبيق أركان
شاشة الميزانية الحقيقية من تطبيق أركان
٢٠ مهمة جاهزة
قائمة تجهيزات عرس أردني، مواعيدها محسوبة من يوم عرسكم
جمعياتي
جمعية كاملة: الدور، الدفعات، والقبض بوقته
بدون إنترنت
كل تعديل بينحفظ على التلفون وبيرفع لحاله
بصمة وإخفاء
قفل للتطبيق، وزر عين بيخفي كل المبالغ
  • الميزانية والأقسام
  • العربون والأقساط
  • قائمة تجهيزات جاهزة
  • الهدايا والنقوط
  • جمعياتي
  • ملاحظات حسب الغرفة
  • إرفاق الفواتير
  • ودجت العد التنازلي
  • قفل بالبصمة
  • إخفاء المبالغ
  • بيشتغل بدون نت
  • مزامنة لحظية
  • ملخّص للأهل كصورة
  • سلة محذوفات
  • الوضع الليلي
  • تذكيرات بوقتها

الحكاية اللي بنعرفها كلنا

تفاصيل كثيرة…وكلها متفرّقة.

عربون القاعة بمحادثة، فاتورة الكنب بصورة، قائمة المطبخ بملاحظة، النقوط بدفتر، والمهام موزّعة بينكم بالذاكرة. ومع كل أسبوع بيزيد السؤال: وين وصلنا؟

  • تفاصيل كثيرة
  • مصاريف متفرّقة
  • مشتريات مش منظّمة
  • مهام موزّعة بين الطرفين
  • معلومات ضايعة بين المحادثات
  • مين دفع العربون؟
  • وين صورة فاتورة الكنب؟
  • قديش ضايل من الميزانية؟
  • مين رح يحكي مع القاعة؟
  • شو ناقص للمطبخ؟
  • إمتى آخر دفعة للمفروشات؟
  • مين جاب نقوط بالحنة؟
  • حطّيتها بالملاحظات… بس وين؟

وبعدين؟

أركان بلمّ كل هاد بمساحة وحدة، إلكم الاثنين.

المميزات

أركان بيتكم الجديد،كل ركن بمكانه.

ستة أركان أساسية، وكلها موجودة فعلًا بالتطبيق. الشاشات اللي بتشوفوها هي شاشات أركان الحقيقية.

  1. ميزانية بتعرف وين راح كل دينار

    ميزانية العرس كلها بشاشة وحدة: المخطط، الملتزم فيه، المدفوع، والمتبقي.

    • ميزانية كلية مقسّمة على أقسام، بنسب أو مبالغ
    • الملتزم فيه، المدفوع، المتبقي والمتاح أول بأول
    • تنبيه لما قسم يوصل ٨٠٪ أو يتجاوز حدّه
    • عدّاد الأيام الباقية على العرس
    • ملخّص مرتّب للأهل، كصورة أو نص
    ميزانية بتعرف وين راح كل دينار: شاشة حقيقية من أركان

  2. كل دفعة بمكانها

    كل غرض بسعره المقدّر والمتفق عليه، وعربونه وأقساطه ودفعته الأخيرة.

    • عربون، أقساط ودفعة أخيرة، كل وحدة بتاريخها
    • مين دفع، وإمتى الدفعة الجاية
    • صورة الفاتورة أو ملف PDF مع كل شروة
    • بحث وفلترة حسب القسم والحالة والدفع
    • ضغطتين بالغلط؟ الدفعة ما بتنسجل مرتين
    كل دفعة بمكانها: شاشة حقيقية من أركان

  3. تجهيز البيت، غرفة غرفة

    قسم خاص للشقة والعفش، وكل غرض بمورّده وموعد توصيله.

    • قسم الشقة وتجهيز البيت جوّا الميزانية
    • ملاحظات حسب الغرفة: الصالون، النوم، المطبخ، الأثاث
    • مورّد وموعد توصيل لكل غرض
    • الدفعات القادمة قدامكم قبل موعدها
    تجهيز البيت، غرفة غرفة: شاشة حقيقية من أركان

  4. تجهيزات العرس، وما ننسى إشي

    ابدأوا بقائمة جاهزة فيها ٢٠ مهمة بيحتاجها كل عرس بالأردن، من حجز القاعة لشنطة يوم العرس.

    • مواعيد المهام بتنحسب لحالها من تاريخ العرس
    • مهمة إلك، لشريكك، أو مشتركة
    • تذكير قبلها بيوم أو بنفس اليوم
    • «أنجزتوا كذا من كذا»، واحتفال لما تخلصوا
    تجهيزات العرس، وما ننسى إشي: شاشة حقيقية من أركان

  5. ملاحظات بتنحفظ لحالها

    أفكار، مقاسات، أرقام موردين… كلها بمكان واحد، وبتنحفظ وإنتو بتكتبوا.

    • حفظ تلقائي، والمسودة ما بتروح حتى لو سكّر التطبيق
    • خاصة إلك، أو مشتركة مع شريكك
    • تثبيت، أرشفة، بحث وإرفاق صور
    • المحذوف بيضل بسلة المحذوفات ٣٠ يوم
    ملاحظات بتنحفظ لحالها: شاشة حقيقية من أركان

  6. إنتو الاثنين، على نفس الصفحة

    اللي بضيفه واحد فيكم بيوصل للثاني بنفس اللحظة، مع سجل واضح مين عمل شو.

    • مزامنة لحظية بين التلفونين
    • سجل نشاط: مين أضاف، عدّل أو دفع
    • أدوار للشريك والعيلة والمساعدين
    • عدّلتوا نفس الإشي سوا؟ ما بينمسح تعديل حدا
    إنتو الاثنين، على نفس الصفحة: شاشة حقيقية من أركان

جديد بأركان

جمعياتي.الجمعية بدون دفتر ولا وجع راس.

نظّموا جمعيتكم مع الأهل والأصحاب: مين بيدفع، قديش، وإمتى دوره يقبض. كل دفعة بتنسجل وبتتأكد، وكل حركة إلها أثر بالسجل.

  • دعوة برابط أو كود

    اختاروا المشاركين من جهات الاتصال، وكل واحد بينضم من تلفونه.

  • الدور بالقرعة أو بالترتيب

    قرعة بتنسجل بالتطبيق، أو ترتيب بتحددوه إنتو قبل البداية.

  • نص سهم؟ عادي

    شخصين بيتقاسموا دور واحد، والحسبة دقيقة للفلس.

  • المنظّم بيأكّد كل دفعة

    المشارك بيسجّل دفعته، والمنظّم بيأكدها أو بيرفضها بسبب واضح.

  • تذكيرات بوقتها

    قبل موعد الدفعة بيوم، وبيومها، وبعدها إذا تأخرت.

  • القبض لما تكتمل الجولة

    ما بينصرف دور حدا قبل ما تكتمل دفعات جولته، وكل إشي محفوظ بالسجل.

بالمجاني: جمعية وحدة نشطة لحد ١٢ مشارك. بالباقات المدفوعة: لحد ٥ جمعيات و٣٠ مشارك.

التفاصيل اللي بتفرق

أشياء صغيرة،بتعملكم فرق كبير.

  • الهدايا والنقوط

    مين جاب شو، نقوط أو هدية، بالخطوبة والحنة والعرس. وأشّروا على اللي شكرتوه، عشان ما يضيع حدا. القائمة للعريس والعروس بس.

  • بيشتغل بدون نت

    بالقاعة أو بالمعرض والنت ضعيف؟ كمّلوا عادي. كل تعديل بينحفظ على التلفون وبيرفع لحاله أول ما ترجع الشبكة.

    بانتظار المزامنة

  • قفل بالبصمة

    رمز من ٤ أرقام، أو بصمة، أو الوجه. ما حدا بيفتح تفاصيل عرسكم وفلوسكم من تلفونكم.

  • ودجت على الشاشة الرئيسية

    عدّاد العرس والميزانية على شاشة تلفونك، وبطاقة عد تنازلي بلوحة الإشعارات. متوفر على أندرويد.

  • إخفاء المبالغ

    زر العين بيخفي كل الأرقام، إلك أو للكل. ولما تخفوها، أرقام الميزانية ما بتوصل تلفونات العيلة أصلًا.

  • ملخّص للأهل

    الميزانية والأيام الباقية بملخّص مرتّب، بتبعتوه كصورة أو نص.

  • سلة المحذوفات

    حذفتوا ملاحظة أو مهمة بالغلط؟ بتضل ٣٠ يوم، وبترجع بضغطة.

  • أركان بيحتفل معكم

    خلصتوا آخر مهمة؟ في احتفال صغير بستاهله تعبكم.

  • فاتح أو داكن

    حسب ذوقكم أو حسب التلفون، وبيتذكّر اختياركم.

  • بياناتكم إلكم

    نزّلوا نسخة من كل اللي بنحفظه عنكم بملف، بأي وقت.

كيف بشتغل

أربع خطوات،وبتصير الأمور أوضح.

  1. ١

    ابدأوا رحلتكم.

    سجّلوا برقم الهاتف، وجاوبوا على أسئلة بسيطة: موعد العرس، العملة، والميزانية إذا كانت جاهزة.

  2. ٢

    وزّعوا الميزانية.

    على الأقسام: الشقة وتجهيز البيت، العرس، شهر العسل، أو أقسامكم الخاصة. وأركان بيقترح عليكم توزيع.

  3. ٣

    أضيفوا المشتريات والمهام.

    كل غرض بسعره ودفعاته، وكل مهمة بموعدها وصاحبها. أو ابدأوا بالقائمة الجاهزة.

  4. ٤

    تابعوا مع بعض.

    المدفوع والمتبقي، اللي خلص واللي ناقص، بمكان واحد بتشوفوه إنتو الاثنين.

تجربة مشتركة

مش مسؤولية شخص واحد…هاي رحلتكم الاثنين.

أركان مبني من الأساس لشخصين. بتدعو شريكك بكود أو رابط، وبتشتغلوا على نفس الميزانية والمشتريات والمهام. وإذا بدكم، بتضيفوا حدا من العيلة يساعدكم.

إنتو الاثنين
العريس والعروس: الميزانية، المشتريات، الدفعات، المهام والملاحظات المشتركة.
العيلة
بتشوف الميزانية وبتكتب ملاحظات ومهام. وإذا أخفيتوا المبالغ، ما بتوصلها الأرقام أصلًا.
المساعدين
صديق أو قريب بيساعد بالمهام والملاحظات بس.

الملاحظات الخاصة والمهام الشخصية بتضل إلك لحالك.

مشاركة المساحة مع الشريك والعيلة جزء من باقة الثنائي ومدى الحياة.

رسم لهاتفين متصلين بمساحة مشتركة

من داخل التطبيق

شاشات حقيقية،مش تصاميم تخيّلية.

هيك بيبان أركان على الموبايل اليوم، بنفس الخط ونفس التفاصيل.

الباقات

ابدأوا مجانًا،وكبّروا لما تحتاجوا.

الاشتراك من داخل التطبيق عن طريق المتجر، والسعر بيظهر هناك قبل ما تدفعوا. وما بينفتح إشي إلا بعد ما المتجر يأكّد.

  • المجاني

    الأساسيات لشخص واحد.

    • الميزانية لحد ٨ أقسام
    • المشتريات والدفعات
    • المهام والملاحظات
    • قائمة التجهيزات الجاهزة
    • جمعية نشطة وحدة لحد ١٢ مشارك

  • المميّز الفردي

    كل إشي إلك لحالك، بلا حدود.

    • كل اللي بالمجاني
    • إرفاق صور وفواتير
    • أقسام بلا حد
    • لحد ٥ جمعيات و٣٠ مشارك
  • الأنسب للعرسان

    باقة الثنائي

    مساحة وحدة للعريس والعروس.

    • كل اللي بالمميّز
    • مشاركة المساحة مع شريكك
    • دعوة العيلة والمساعدين، لحد ٦ أعضاء
    • مزامنة لحظية وسجل نشاط

  • مدى الحياة

    كل أركان، مرة وحدة.

    • كل اللي بباقة الثنائي
    • دفعة وحدة، بدون تجديد
ابدأوا مجانًا
رسم لقفل ودرع

الخصوصية والثقة

تفاصيلكم إلكم.

بنجمع أقل قدر ممكن من البيانات، وبنحكيلكم بصراحة شو بنعمل فيها.

  • دخول برقم الهاتف

    بدون كلمة سر. رمز تحقق لمرة وحدة بينتهي خلال دقائق، وما بنخزّن الرمز نفسه.

  • إلك ولشريكك بس

    كل طلب بيتأكد السيرفر إنك عضو بالمساحة وبدورك فيها، قبل ما يرجّع أي بيانات.

  • إخفاء المبالغ

    زر العين بيخفي الأرقام عنك، أو عن كل أفراد المساحة. والإشعارات ما بتعرض مبالغ.

  • حذف الحساب من التطبيق

    من الإعدادات، بخطوات واضحة وبرمز تحقق. ما بتحتاج تراسل حدا.

اقرأ سياسة الخصوصية

الأسئلة الشائعة

أسئلة بتيجينا كثير

أركان تطبيق موبايل لتنظيم ميزانية الزواج وتجهيز البيت. بتسجلوا فيه الميزانية والأقسام، المشتريات والدفعات، المهام والملاحظات، الهدايا والنقوط، وبتنظموا جمعياتكم، وبتتابعوا كل شي بمكان واحد.

للمخطوبين والمقبلين على الزواج، وللمتزوجين جديد اللي لسا بجهزوا بيتهم. بلّشنا بالأردن، وبيدعم الدينار وعملات ثانية.

أكيد. بتدعو شريكك بكود أو رابط دعوة، وبتصير الميزانية والمشتريات والمهام والملاحظات المشتركة قدامكم الاثنين، والتعديلات بتوصل أول بأول. المشاركة جزء من باقة الثنائي ومدى الحياة.

طريقة لتنظيم الجمعية (التوفير الدوري مع الأهل والأصحاب) جوّا أركان: بتحددوا المبلغ والمشاركين والدور، كل واحد بيسجّل دفعته والمنظّم بيأكدها، وأركان بيذكّر الكل بالمواعيد وبيسجّل مين قبض وإمتى. أركان ما بيمسك فلوس الجمعية، هو بس بينظّم حسابها.

آه. إذا انقطع النت، بتقدروا تضيفوا وتعدّلوا عادي، والتغييرات بتنحفظ على التلفون وبترفع لحالها أول ما يرجع الاتصال. وإذا شريكك عدّل نفس الإشي بنفس الوقت، التطبيق بيبلّغك بدل ما يمسح تعديل حدا.

المجاني فيه الأساسيات لشخص واحد: الميزانية لحد ٨ أقسام، المشتريات والدفعات، المهام والملاحظات، وجمعية وحدة. المميّز الفردي بيضيف إرفاق الصور والفواتير وأقسام بلا حد وجمعيات أكثر. باقة الثنائي بتضيف مشاركة المساحة مع شريكك والعيلة. ومدى الحياة فيها كل إشي بدفعة وحدة. الأسعار بتظهر بالمتجر قبل الدفع.

آه. في قسم خاص للشقة وتجهيز البيت بالميزانية، وبتقدروا تصنفوا الملاحظات حسب الغرفة (الصالون، غرفة النوم، المطبخ، الأثاث)، وتسجلوا لكل غرض سعره ودفعاته وموعد توصيله.

الدخول برقم الهاتف ورمز تحقق لمرة وحدة، والرموز ما بتتخزن كنص. الوصول لأي مساحة مربوط بعضويتك ودورك فيها، والملاحظات الخاصة ما بيشوفها غيرك. وبتقدر تقفل التطبيق بالبصمة، وتحذف حسابك من داخل التطبيق. التفاصيل كاملة بسياسة الخصوصية.

من صفحة الاقتراحات والشكاوى هون بالموقع، أو من «الإعدادات ← إرسال ملاحظة أو اقتراح» داخل التطبيق. بنقرأ كل رسالة.

أركان قريبًا على المتاجر

بداية جديدة…بتستاهل تكون مرتبة.

أركان بالمراحل الأخيرة قبل ما ينزل على المتاجر.

ابدأوا رحلتكم مع أركان

  • Google Playقريبًا
  • App Storeقريبًا
عندك سؤال أو اقتراح؟ احكيلنا