١. احذف حسابك من التطبيق
هاي الصفحة لحذف حسابك بتطبيق أركان (Android وiOS). أسرع طريقة إنك تحذفه بنفسك من التطبيق:
- افتح تطبيق أركان وسجّل دخول برقم هاتفك.
- روح على «الإعدادات».
- اضغط «حذف الحساب».
- أكّد الحذف وأدخل رمز التحقق اللي بيوصلك على هاتفك.
الحذف بيصير فورًا. إذا عليك التزامات بجمعية لسا شغالة، التطبيق ما بيسمح بالحذف لحد ما تخلص، حتى ما يختل حساب الأعضاء الثانيين.
٢. اطلب الحذف بدون التطبيق
إذا ما عاد عندك التطبيق أو ما بتقدر تدخل عليه:
- افتح صفحة الاقتراحات والشكاوى أو راسلنا على support@getarkan.app.
- اختار نوع الرسالة «أخرى» واكتب: «طلب حذف حساب»، مع رقم الهاتف المسجّل بالحساب.
- بنتواصل معك على نفس الرقم لنتأكد إنه إلك، وبعدها بنحذف الحساب خلال 30 يوم كحد أقصى وبنبلّغك.
٣. شو بينحذف
- ملفك الشخصي (الاسم والصورة)، إجابات البداية، جلسات الدخول، رموز الإشعارات وسجل إشعاراتك.
- رقم هاتفك بينشال من الحساب، فبتقدر تسجّل فيه من جديد لاحقًا.
- المساحات اللي إنت عضوها الوحيد بتنحذف مع كل بياناتها: المشتريات، الدفعات، الميزانيات، الهدايا، الملاحظات، المهام والملفات المرفقة.
- ملاحظاتك الخاصة ومهامك الشخصية بالمساحات المشتركة.
٤. شو بيضل وقديش
- المساحات المشتركة: بتضل لشريكك أو الأعضاء الباقين وملكيتها بتنتقل إلهم. السجلات المشتركة اللي أضفتها بتضل بدون ما تنربط باسمك أو رقمك، حتى تضل حساباتهم صحيحة.
- الجمعيات: بنشيل رقمك من سجلات الجمعية، وبيضل الاسم المسجّل والسجل المالي للجمعيات اللي شاركت فيها، لأنه بيخص الأعضاء الثانيين كمان.
- سجلات الأمان: طلبات رموز التحقق بتنحذف تلقائيًا بعد 30 يوم، والجلسات المنتهية بعد 90 يوم.
- النسخ الاحتياطية: ممكن تضل نسخة من بياناتك بالنسخ الاحتياطية المشفّرة لحد 30 يوم، وبعدها بتنمسح تلقائيًا. ما بنرجّعها إلا لاستعادة الخدمة بعد عطل.
- الاشتراكات المدفوعة: حذف الحساب ما بيلغي اشتراك المتجر. ألغيه بنفسك من Google Play ← الدفعات والاشتراكات، أو من App Store. سجلات الشراء عند Google أو Apple بتخضع لسياساتهم.
التفاصيل الكاملة بـسياسة الخصوصية.